Stjórn er stjórnborð klúbbsins. Þangað komast þeir félagar sem hafa hlutverk í klúbbnum. Yfirlitið sýnir mótaröðina í gangi, fjölda í félagatali, fréttir, æfingaplön, tilkynningar og hvort Kling er tengt. Það sýnir líka hvað þarf athygli: mót í mótaröð sem fór ekki fram, mót sem er í gangi og hefur ekki verið lokað, heimabæ eða heimilisfang sem vantar og umsóknir um aðild. Hvað gert er við mót sem fór ekki fram er útskýrt í greininni Mótaröð.
Hver eru hlutverkin?
Félagi mætir og spilar. Dómari stýrir mótum, tekur mætingu og lokar þeim. Mótanefnd sér um mót, fréttir, æfingar og félagatal. Stjórn gerir allt, líka hlutverk, merki, kóða og greiðslur. Klúbburinn hefur alltaf að minnsta kosti einn í stjórn. Hlutverkum er breytt í félagatalinu.
Hvað eru einingar?
Undir Klúbburinn → Einingar kveikir stjórn og slekkur á hlutum klúbbsins: æfingar, fréttir, tilkynningar, félagsgjöld, flokkar og fleira. Eining sem er af hverfur úr appinu hjá félögum og úr Stjórn-yfirlitinu. Ekkert eyðist. Einingar sem þurfa Kling eru merktar þannig.
Þar er líka rofinn Leikmenn mega leiðrétta eigin leiki. Hann er sjálfgefið á og gildir á mótskvöldum með skönnun.
Hvað er skjár klúbbsins?
Undir Stjórn er slóð á skjá klúbbsins. Opnaðu hana einu sinni á sjónvarpinu í salnum. Hún sýnir alltaf mótið sem er í gangi hjá klúbbnum og skiptir sjálf þegar mót byrjar. Þetta er DartloTV, útskýrt í greininni DartloTV.
Hvað er stillt undir Klúbburinn?
Merki klúbbsins er mynd af símanum. Það birtist á skírteininu, á Heim og á sjónvarpsskjánum. Litir klúbbsins eru aðallitur og aukalitur, með tilbúnum pörum. Appið passar sjálft að texti sé læsilegur á litunum, og breytingin sést hjá félögum þegar þeir opna appið næst.
Undir Staðsetning eru land, heimilisfang, póstnúmer, bær, hvar þið spilið og tímabelti. Tímabeltið fylgir landinu. Í löndum með fleiri en eitt tímabelti er það valið úr lista. Á Íslandi þarf bærinn að vera valinn úr listanum svo fjarlægð reiknist og opin mót klúbbsins finnist nálægt leikmönnum. Heimilisfangið með húsnúmeri er það sem Leiðin þangað byggir á. Án húsnúmers birtist enginn hnappur.
Undir Hafa samband eru sími klúbbsins, tengiliður, netfang tengiliðs og sími tengiliðs. Símarnir eru valfrjálsir og sími klúbbsins sést ekki opinberlega. Tengiliður er sá sem Dartlo hefur samband við vegna klúbbsins. Hann sést aðeins stjórn. Reikningar, áminningar og skilaboð frá Dartlo fara á netfang tengiliðs. Stjórn klúbbsins er listi þeirra sem hafa hlutverkið Stjórn.
Áskrift klúbbsins sést í yfirlitinu og er útskýrð í greininni Áskrift.
Hvað er Vefsíðan ykkar?
Neðst undir Klúbburinn er Vefsíðan ykkar. Þar getur vefsíða klúbbsins fengið lykil til að sækja dagskrána, úrslit og klúbbtöfluna beint úr Dartlo. Lykillinn gildir fyrir klúbbinn og sýnir bara nöfn, engar persónuupplýsingar. Búa til lykil býr hann til og þú afritar hann strax, því hann sést ekki aftur. Þar sem gögnin birtast á vefsíðunni þarf að standa „Gögn frá Dartlo“ með hlekk á dartlo.app. Loka gerir lykilinn óvirkan og vefsíða sem notar hann hættir að fá gögn. Leiðbeiningar fyrir vefara segja hvernig lykillinn er notaður.