Undir Stjórn → Mót stofnar stjórn eða mótanefnd mót klúbbsins. Hvert mót er venjulegt Dartlo-mót: einn opnar það og hinir skanna QR eða slá inn kóða. Stigin reiknast þegar mótinu er lokað á Dagskrá.
Eitt mót eða mótaröð?
Eitt mót er stakt kvöld með sína eigin töflu. Mótaröð er nokkur mót þar sem stigin leggjast saman í eina heildartöflu. Fyrir mótaröð velurðu fjölda móta, fyrsta mótið og hvort hin koma vikulega á sama vikudegi. Annars eru öll mótin sett á fyrstu dagsetninguna og þú færir þau í dagskránni. Bestu mót telja lætur aðeins bestu mót hvers leikmanns telja.
Opið gestum birtir mótið leikmönnum í nágrenninu undir Dagskrá, með skráningu. Þátttökugjald krefst Kling-tengingar undir Greiðslur. Hámarksfjöldi keppenda lokar skráningu þegar honum er náð og opnar biðlista.
Hvernig er hvert mót spilað?
Hvert mót velur leikinn, byrjunartölu, leggi, fyrirkomulag, fjölda brauta og hvernig er skorað. Tilbúin snið eru til: útsláttur með Scolia, allir á móti öllum með Scolia, allir á móti öllum skorað í appinu, og sjálfvirkt fyrirkomulag skorað í appinu. Með Scolia er spilað á Scolia-borðin og úrslitin skönnuð eða slegin inn eftir leik. Í appinu er skorað píla fyrir pílu.
Riðlar, hámark leikja á mann, hverjir komast áfram úr hverjum riðli og hvort útsláttur fylgir á eftir eru stillt hér líka. Sjálfvirkt fyrirkomulag (Auto) spilar allir á móti öllum. Eina undantekningin er úrslitamót úr töflu mótaraðar, þar sem fjórir til sextán efstu fara í útslátt, raðað eftir sæti.
Þegar útsláttur er valinn stillirðu leggina fyrir hverja umferð hans. Fyrstur í 4 þýðir að sá vinnur sem fyrstur nær 4 leggjum. Sjálfgefið er fyrstur í 3 í 16-liða og 8-liða úrslitum, fyrstur í 4 í undanúrslitum og fyrstur í 5 í úrslitum. Seinni umferð er aldrei styttri en sú á undan.
Hvernig virkar stigareglan?
Stigareglan segir hvað hvert atriði gefur: mæting, unninn leikur, tapaður leikur, unninn leggur, 180, 140 til 179, hæsta útskot mótsins og útskot í þrepum frá ákveðinni tölu. Hvert útskot fær stig efsta þrepsins sem það nær. Sætastig gefa stig eftir lokastöðu, til dæmis 10, 8, 6, 5.
Tilbúin sniðmát eru sætastig 10 · 8 · 6 · 5 · 4 · 3 · 2 · 1, sætastig öfugt 16 niður í 1, bara sigurvegarinn, og stig fyrir frammistöðu eins og Valhalla notar.
Tölur sem skráðar eru úr hverjum leik eru þær sem stigareglan notar, alltaf með. Hinar velur klúbburinn, svo enginn slái inn tölur sem enginn notar. Röðin í riðli á kvöldinu er sú sama hjá öllum klúbbum og klúbburinn velur hana ekki. Fyrst ráða sigrar, svo leggjamunur og síðan tölurnar: meðaltal, meðaltal fyrstu níu pílna, útskotshlutfall og hæsta útskot. Séu tveir alveg jafnir á öllu ræður bull-off við borðið. Nánar í greininni Jafnt í riðli.
Hvað eru sniðmát?
Vista sem sniðmát geymir allar stillingar mótsins undir nafni, til dæmis Valhalla-mótaröð. Næst þegar mót er stofnað velurðu sniðmátið og formið fyllist. Sniðmát með sama nafni er skrifað yfir.